رمضان مظلم - وكل عام وانتم بخير !!!!

الي كل اعضاء منتدي اصحاب كول كل عام وانتم بخير

في البداية اتمني ان يكون رمضان هذا العام وفي كل عام منير دائما بالعبادات والطاعات وبأعمال الخير
لكن عنوان الموضوع لشد الانتباه ......
تعودنا دائما ان نستقبل رمضان بالالتزام و المداومة علي العبادات والطاعات
ونستقبله بالبهجة والفرحة لأنه شهر الخير والصيام
وتعودت ايضا حكومتنا ان تفسد علينا فرحتنا و بهجتنا بالشهر الكريم وتفاجئنا بغلاء جميع السلع
الغذائية ارز وزيت وسكر وفي دخلة العيد غلاء الدقيق - شئ اتعودنا عليه وحفظناه
لكن السنة دي سيعاني كل المصريين من الانقطاع المستمر للتيار الكهربائي
شئ جديد - فعلا غير مألوف رمضان السنة دى مظلم
من مظاهر البهجة للمصريين في الشهر الكريم شراء فوانيس رمضان و تعليق الانوار في جميع الشوارع
فهل سنتحمل هذا العام تكرار انقطاع الكهرباء
هل يعاني وزير الطاقة والكهرباء كباقي الشعب وبصفته واحد مننا من انقطاع الكهرباء
مصر حتي الكام سنة اللي فاتت تشهد توسعات في مصادر توليد الكهرباء و تجديدات في محطات التوليد
هل التوسعات والتجديدات لا تكفي ام ان هذا الشعب مسرف لدرجة غير عادية
في كل شئ مياه وقمح وكهرباء وسلع غذائية .....
هل احنا مستهترين بنعم ربنا علينا لهذه الدرجة وبنتعاقب
اليومين اللي فاتوا لاحظت حملات اعلامية مش ضد الحكومة كالعادة لأ ضد الشعب
من كل الناس عمرو اديب و ابراهيم حجازي وكل الاعلاميين بيشددوا علينا ان احنا لازم نرشد الاستهلاك
في كل حاجة
هل مصر في مشكلة او ازمة حقيقية طب ليه حكومتنا ماتصارحناش بجد احنا ممكن نكون في مشكلة ومش حاسيين
النزاع علي حصة مصر في مياه النيل لسة ماتحسمش
وعندنا مشكلة استيراد قمح وزير التجارة رشيد محمد رشيد صرح انه حلها مع روسيا الله اعلم بما خلف الكواليس
ومشكلة الكهرباء ان من بديهيات اي دولة ان يكون في كل منزل انارة مش معقول زيادة 3 مليون تكييف في مصر يعمل كل دة .... احنا اعتمادنا الاساسي او الاكبر في التوليد من السد العالي ومحطات توليد اسوان ومحطة قناطر اسنا ونجع حمادي يعني اقصد اننا بنستخدم اندفاع مياه النيل في توليد الكهرباء بصورة اساسية
طيب دولة زي السعودية مثلا ماسمعناش ان عندهم ازمة كهرباء مع انهم ماعندهمش نهر النيل
اعلم ان عملية توليد الكهرباء هي عملية تحويل الطاقة من شكل الي اخر حسب مصادر الطاقة المتوفرة
ممكن السعودية تكون بتعتمد بشكل اساسي علي البترول مثلا او غيره من الطاقات
لكني اقصد ان النيل نعمة اعطانا الله اياها فهل احنا عاجزين عن استخدامه بالشكل الصحيح ... مش عايز اخرج عن الموضوع
هل احنا عندنا مشكلة حقيقية والتوسعات والتجديدات التي تمت في السنوات الاخيرة لاتكفينا
ام اننا اصبحنا في اشد الحاجة لطاقة جديدة و رخيصة يمكن استخدامها في توليد الكهرباء وهي الطاقة النووية

المهم كل سنة وانتم طيبين ودايما رمضان منور بيكم


__________________
<BLOCKQUOTE>
<BLOCKQUOTE>
<BLOCKQUOTE>
<BLOCKQUOTE>
</BLOCKQUOTE></BLOCKQUOTE></BLOCKQUOTE></BLOCKQUOTE>